Onte tivemos o pracer de compartir a mañá con Dani e Carla, adestradores do club e que, un día falando con eles, contáronnos que traballaban con nenos e nenas con diferentes discapacidades, o que fixo que nos interesásemos aínda máis polo seu traballo.
Por iso, despois de coñecer o importante papel que xogan na evolución dos alumnos con discapacidade que van ás súas clases, e sabendo o alto custo dos materiais de equitación, moito máis se son adaptados, a nosa Asociación ASPAIS, sempre da man de Fundación Mencer decidiron colaborar con eles mediante unha doazón para poder mercar diferentes tipos de materiais adaptados para as súas clases.
Unha cadeira de doma con tacos e asento profundo para maior suxeición dos nenos e nenas con problemas de mobilidade e equilibrio.
Estribos de seguridade e unha cabezada con rendas de asas para facilitar o seu agarre a nenos e nenas con problemas de visión.
Un cinchuelo e unha manta que se emprega en hipoterapia para traballar o ton muscular, o control postural, a coordinación motora e o equilibrio en nenos e nenas con problemas de mobilidade, coordinación, equilibrio, crecemento…
Unha cabezada con rendas de asas para facilitar o agarre.
E material de seguridade como chalecos e cascos para unha maior protección.
Deixámosvos unhas fotos de onte da nosa xerente da asociación Lua Piñeiro Devesa xunto cos adestradores e unha alumna.
Grazas a Dani e Carla por ese labor tan importante que facedes.
#discapacidade # equinoterapia # asociacionaspais # fundacionmencer
