O presidente de Aspais Galicia, José Ramón Dourado Lema, e o xerente da mesma, Roberto Leandrez Represas, visitaron a sede da Confederación de Empresarios de La Coruña, onde foron recibidos polo seu presidente, Antonio Fontenla Ramil e a secretaria xeral da mesma, Marina Graña Bermúdez.
O presidente e o xerente de Aspais falaron do funcionamento da entidade que representa a todas as tipoloxías de centros especiais de emprego en Galicia.
Aspais xa é integrante da CEC dende este ano e quere aportar a visión das empresas que pertencen á economía social galega.
Na entrevista albiscouse a posibilidade de establecer sinerxías entre o empresariado e o traballo con discapacidade, xa que o eixo fundamental de Aspais e os CEE que o integran é a persoa traballadora con discapacidade.
#economíasocial #centrosespeciaisemprego #discapacidade #emprego
